அவிசாவளையில், இளைஞனின் சடலம்!

அவிசாவளை, ஹுலத்துவ, பிரதேசத்தில் வீடொன்றில் சந்தேகத்துக்கிடமான முறையில் உயிரிழந்ததாக சந்தேகிக்கப்படும் இளைஞனின் சடலம்  கண்டுபிடிக்கப்பட்டுள்ளது.

உயிரிழந்தவர் 22 வயதான ஹுலத்துவ, கத்தாதெத்த பிரதேசத்தைச் சேர்ந்தவராவார்.

இது தொடர்பில் நேற்று திங்கட்கிழமை (06) கிடைத்த தகவலின் பிரகாரம், அவிசாவளை பொலிஸார்  சடலத்தை மீட்டதுடன்  விசாரணைகளை ஆரம்பித்துள்ளனர்.

குறித்த இளைஞன் கடந்த சில நாட்களுக்கு முன்னர் உயிரிழந்துள்ளமை தெரிய வந்துள்ளதாக பொலிஸார் தெரிவிக்கின்றனர்.

மரணம் தொடர்பான நீதிவான் விசாரணை மற்றும் பிரேத பரிசோதனைக்காக சடலம் அவிசாவளை வைத்தியசாலையின் பிரேத அறையில் வைக்கப்பட்டுள்ளதுடன், சம்பவம் தொடர்பான மேலதிக விசாரணைகளை அவிசாவளை பொலிஸார் மேற்கொண்டு வருகின்றனர்.