பளை பகுதியில் இன்று இடம்பெற்ற வாகன விபத்தொன்றில் சிக்கி 11 மாணவர்கள் காயமடைந்துள்ளனர்.
இயக்கச்சி பகுதியிலிருந்து பளை நோக்கி மரதன் ஓட்டத்தில் பங்கேற்கும் மாணவர்களை பாடசாலை இல்ல விளையாட்டு போட்டி நடைபெறும் இடத்திற்கு ஏற்றி சென்ற வாகனமே இன்று(03) புதுக்காட்டு சந்தியை அண்மித்து ஏ9 பிரதான வீதியில் கட்டுப்பாட்டை இழந்து விபத்துக்குள்ளாகியுள்ளது.
இதன்போது குறித்த வாகனத்தின் பின்னால் அமைக்கப்பட்ட பாதுகாப்பு கூடாரம் வாகனத்தை விட்டு அகன்றபோது மாணவர்களும் வீதியில் விழுந்துள்ளனர். இதன்போது 11 மாணவர்கள் காயமடைந்த நிலையில் வைத்தியசாலையில் அனுமதிக்கப்பட்டதோடு, அவர்களில் மூவர் மேலதிக சிகிச்சைக்காக கிளிநொச்சி மாவட்ட பொது வைத்தியசாலைக்கு மாற்றப்பட்டுள்ளனர்.
இந்த விபத்து தொடர்பில் குறித்த வாகனத்தின் சாரதியை பொலிஸார் கைது செய்துள்ளதோடு, விசாரணைகளையும் ஆரம்பித்துள்ளனர்.
