எரிபொருளை வழங்குவதில் சுகாதார சேவைகளுக்கு முன்னுரிமை அளிப்பதாக அரசாங்கம் தெரிவித்த போதிலும் அது இன்னும் இயங்கவில்லை எனவும் தட்டுப்பாடு காரணமாக வைத்தியசாலைகளை விரைவில் மூட வேண்டிய நிலை ஏற்படும் எனவும் அரசாங்க வைத்திய அதிகாரிகள் மன்றத்தின் தலைவர் டொக்டர் ருக்ஷான் பெல்லான தெரிவித்தார்.
கறுப்புச் சந்தைக்காரர்கள் சார்பில் எரிபொருள் சேகரிப்புப் பிரச்சாரத்தில் ஈடுபட்டுள்ள எண்ணெய் கடத்தல்காரர்களால் நிலைமை மோசமாகியுள்ளது.
இந்த எரிபொருள் கடத்தல்காரர்களுக்கு எதிராக பொலிஸாரும் இராணுவத்தினரும் மௌனம் சாதிப்பதால், எரிபொருள் நிரப்பு நிலையங்களுக்குச் செல்லும் வைத்தியர்கள் மற்றும் சுகாதாரப் பணியாளர்கள் மிகவும் அநாதரவாகியுள்ளனர்.
இது தொடர்பில் மேலும் கருத்து தெரிவித்த கலாநிதி ருக்ஷான் பெல்லான,
எரிபொருள் மாஃபியா இன்று நல்ல வருமான ஆதாரமாக மாறியுள்ளது. கருப்பு சந்தைகளுக்கு எரிபொருள் சேகரிக்கும் கொள்ளையர்கள் பெட்ரோல் பாட்டில் ரூ.650க்கும், டீசல் பாட்டில் ரூ.550க்கும் விற்கின்றனர். அத்தியவசிய சேவைகளான சுகாதார சேவைகளை ஊக்குவிப்பதற்கு முன்னுரிமை வழங்கப்படுவதாக கூறப்பட்டாலும், இந்த கொள்ளையர்களால் இதுவரையில் அவ்வாறானதொன்று நடைபெறவில்லை.
