Home செய்திகள் மன்னாரில் – மீன் மற்றும் வாள் சின்னங்கள் பொறிக்கப்பட்ட பழங்கால நாணயங்கள் மீட்பு!

மன்னாரில் – மீன் மற்றும் வாள் சின்னங்கள் பொறிக்கப்பட்ட பழங்கால நாணயங்கள் மீட்பு!

115
0

மீன் மற்றும் வாள் சின்னங்கள் பொறிக்கப்பட்ட 1900 மேற்பட்ட நாணயக் குற்றிகள் மற்றும் ஓட்டுத் துண்டு போன்ற தொல்பொருட்கள் மன்னாரில் கண்டுபிடிக்கப்பட்டுள்ளன.

இதேவேளை மன்னார் – நானாட்டான் பிரதேசத்தின் வடக்கு வீதி என்னும் இடத்தில் கண்டுபிடிக்கப்பட்ட குறித்த நாணயக் குற்றிகள் யாவும் மன்னார் நீதிமன்றத்தின் ஊடாக தொல் பொருள் தினைக்களத்திற்கு கையளிக்கப்படவுள்ளதாக முருங்கன் பொலிஸ் நிலைய பொறுப்பதிகாரி தெரிவித்துள்ளார்.

குறித்த விடயம் தொடர்பாக நானாட்டான் பிரதேச சபையின் உப தவிசாளருக்கு தெரியப்படுத்தப்பட்டதை தொடர்ந்து உப தவிசாளர் குறித்த விடயம் தொடர்பாக முருங்கன் பொலிஸ் நிலைய பொறுப்பதிகாரியின் கவனத்திற்கு கொண்டுவந்தார்.

கடந்த வெள்ளிக்கிழமை காணியின் உரிமையாளரால் புதிய வீடு அமைப்பதற்கு அத்திவாரம் அமைக்க குழி தோண்ட முற்பட்ட போதே குறித்த பழங்கால பொக்கிஷங்கள் மீட்கப்பட்டுள்ளமை குறிப்பிடத்தக்கது.