Home முக்கிய செய்திகள் கூட்டமைப்புடன் பேச வேண்டிய தேவையில்லை – நிபந்தனை இன்றிய பேச்சுக்கே அனுமதி: பசில்

கூட்டமைப்புடன் பேச வேண்டிய தேவையில்லை – நிபந்தனை இன்றிய பேச்சுக்கே அனுமதி: பசில்

36
0

தமிழ்த் தேசியக் கூட்டமைப்பினர் தமிழர்களின் ஏகப் பிரதிநிதிகள் அல்லர். அவர்களோடு பேச்சு நடாத்தவேண்டிய தேவை எமக்கு இல்லை. நிபந்தனை அடிப்படையில் எம்முடன் எவரும் அரசியல் நடத்த முடியாது என பொதுஜன பெரமுனவின் அமைப்பாளர் பசில் ராஜபக்ச உறுதிபடத் தெரிவித்துள்ளார்.

சிங்கள தொலைக்காட்சி அரசியல் விவாத நிகழ்ச்சியில் கருத்து வெளியிடும்போதே அவர் இவ்வாறு கூறினார்.

தமிழ்த் தேசியக் கூட்டமைப்பினர் தமிழர்களின் ஏகப் பிரதிநிதிகள் அல்லர். கூட்டமைப்பினால் முன்வைக்கப்பட்டுள்ள சமஷ்டி உள்ளிட்ட கோரிக்கைகளை ஏற்க முடியாது. நிபந்தனை அடிப்படையில் எம்முடன் எவரும் அரசியல் நடத்த முடியாது. அவர்களுடன் பேச்சு நடத்த வேண்டிய தேவையும் எழவில்லை.

கடந்த எமது ஆட்சிக்காலத்தில் வடக்குக்கு மாகாண சபையை வழங்கினோம். அதனூடாகப் பயன்பெறவில்லை. யாழ். தேவியை ராஜபக்ச அரசே தலைமன்னார் வரை கொண்டு சென்றது.

ஆனாலும், ஐக்கிய தேசியக் கட்சியையே கூட்டமைப்பு ஆதரித்தது. ஐ.தே.க. ஆட்சியைப் பாதுகாத்தது. வரவு – செலவுத் திட்டங்களுக்கு ஆதரவு வழங்கியது.

எமது ஆட்சியில்தான் யாழ்ப்பாணத்துக்கு 24 மணி நேரமும் மின்சாரம் வழங்க நடவடிக்கை எடுக்கப்பட்டது.

முதல் தடவையாக கிழக்கு மாகாண சபைத் தேர்தலில்கூட தமிழ்த் தேசியக் கூட்டமைப்பு போட்டியிடவில்லை. அடுத்த முறை நாம் நிச்சயம் கிழக்கு மாகாண சபையைக் கைப்பற்றுவோம்.

எனவே வடக்கு, கிழக்கில் எம்மால் தனித்து இயங்கி மக்களின் தேவைகளைப் பூர்த்தி செய்து கொள்ள முடியும் என குறிப்பிட்டுள்ளார்.