இரண்டாம் நிலையில் இருந்து நான்காம் இடத்திற்கு தள்ளப்பட்டேன் – விருப்பு வாக்கில் மோசடி: சசிகலா

தனது விருப்பு வாக்கு எண்ணிக்கையில் குழறுபடி ஏற்பட்டுள்ளதாக சந்தேகம் வெளியிட்டுள்ள தமிழரசுக் கட்சி சார்பில் போட்டியிட்ட சசிகலா ரவிராஜ், இது தொடர்பாக தேர்தல் ஆணைக்குழுவில் முறையிடவுள்ளதாக தெரிவித்துள்ளார்.

இது தொடர்பில் அவர் தெரிவிக்கையில்;

தமிழரசுக் கட்சியில் போட்டியிட்ட எனக்கு விருப்பு வாக்குகளின் அடிப்படையில் இரண்டாவது இடம் கிடைத்திருந்தது. இதனை, சில அதிகாரிகளும், ஊடகங்களும் உறுதிப்படுத்தியிருந்தனர்.

இந்நிலையில் நள்ளிரவு 2 மணிவரை காத்திருந்து சரியான நிலைவரத்தை அறிவிக்கும்படி நான் கேட்டிருந்தேன்.

இருந்தாலும் அவர்கள் காலதாமதம் செய்தார்கள். அதன் பின்னர் இறுதியாக எனது விருப்பு வாக்கு நிலை நான்காவதாக அறிவிக்கப்பட்டது. அத்தோடு அங்கு கூடியிருந்த எனது ஆதரவாளர்களும் தாக்கப்பட்டுள்ளனர். இது தொடர்பில் தேர்தல் ஆணைக்குழுவில் முறையிடவுள்ளேன். என தெரிவித்தார்.