Home உலக செய்திகள் குவைத்தை விட்டு வெளியேற்றப்பட்டும் 8 இலட்சம் இந்தியர்கள்!

குவைத்தை விட்டு வெளியேற்றப்பட்டும் 8 இலட்சம் இந்தியர்கள்!

58
0

கொரோனா தாக்கத்தால் பொருளாதார நெருக்கடியில் சிக்கியுள்ள நிலையில், குவைத் அரசு சொந்த நாட்டினருக்கு வேலை வாய்ப்புகளை உறுதி செய்யும் வகையில் அறிமுகப்படுத்தியுள்ள புதிய சட்டத்திற்கு அமைய குவைத்த்திலிருந்து 8 இலட்சம் இந்தியர்களை வெளியேற்ற முடிவு செய்துள்ளது.

குவைத்தின் தேசிய சட்டமன்றத்தின் சட்ட மற்றும் சட்டமன்றக்குழு வரைவு மேற்படி வெளிநாட்டு ஒதுக்கீட்டு மசோதாவுக்கு ஒப்புதல் அளித்துள்ளது.

குவைத் அரசின் புதிய சட்டம் இந்தியர்களின் எண்ணிக்கையை 15 சதவீதமாக குறைக்க வகை செய்கிறது.

அதன்படி 14 லட்சமாக இருக்கும் இந்தியர்களின் எண்ணிக்கை ஆறரை முதல் 7 லட்சமாக குறைக்கப்படும் போது, மீதமுள்ள 7 முதல் 8 லட்சம் இந்தியர்கள் குவைத்திலிருந்து வெளியேற்றப்படுவார்கள்.

இந்தியர்களை போலவே மற்ற வெளிநாட்டினருக்கும் இந்த மசோதாவில் ஒதுக்கீடுகள் வழங்கப்பட்டுள்ளன. அதன்படி இந்தியர்களுக்கு அடுத்தப்படியாக அதிக எண்ணிக்கையில் வசிக்கும் எகிப்தியர்களின் எண்ணிக்கையை 10 சதவீதமாக குறைக்கவும் இச்சட்டம் வகை செய்கிறது.

43 லட்சம் பேரை கொண்ட குவைத் மக்கள் தொகையில், வெளிநாட்டினர் 30 லட்சம் பேர் உள்ளமையும், இதில் இந்தியர்கள்தான் அதிகம் என்பதும் இங்கு குறிப்பிடத்தக்கது.