Home செய்திகள் கொரோனா தடுப்பு – முகக் கவசம் அணிதல் கட்டாயமாக்கப்பட்டது!

கொரோனா தடுப்பு – முகக் கவசம் அணிதல் கட்டாயமாக்கப்பட்டது!

82
0

வீதிகளில் பயணிக்கும் போது முகக் கவசம் அணிந்திருப்பது இன்று முதல் இலங்கையில் கட்டாயமாக்கப்பட்டுள்ளது.

முகக் கவசம் இன்றி வீதியில் பயணிப்போரை திருப்பி அனுப்ப நடவடிக்கையெடுக்குமாறு அனைத்து சிரேஷ்ட பொலிஸ் அத்தியட்சர்கள் மற்றும் பொலிஸ் நிலையங்களுக்கும் பதில் பொலிஸ் மா அதிபர் உத்தரவிட்டுள்ளார்.

ஊரடங்கு சட்ட அனுமதி பத்திரம் பெற்று கொண்டிருத்தல் அல்லது வீதிகளில் பயணிப்பதற்கு வேறு அனுமதி பெற்றிருந்தாலும் அவற்றினை கருத்திற்கொள்ளாமல் முகக் கவச உத்தரவை செயற்படுத்துமாறு அவர் ஆலோசனை வழங்கியுள்ளார்.

அத்துடன் வாகனங்களில் பயணிப்போர் உட்பட அனைவரும் முகக்கவசம் அணிதல் கட்டாயமாக்கப்பட்டுள்ளதாக பிரதிப் பொலிஸ் மா அதிபர் அஜித் ரோஹன தெரிவித்துள்ளார்.

கொரோனா வைரஸ் பரவலை தடுப்பதற்காக பொலிஸ் ஊரடங்கு சட்டம் நாடு முழுவதும் தொடர்ந்து செயற்படுத்தப்பட்டு வருகின்றது என்பது குறிப்பிடத்தக்கது.