Home செய்திகள் தமிழர்கள் ஒற்றை ஆட்சியை எதிர்க்கவில்லை – அதி உச்ச அதிகாரப்பகிர்வையே கேட்கிறார்கள்: வழங்க தவறின் அழிவுகளை...

தமிழர்கள் ஒற்றை ஆட்சியை எதிர்க்கவில்லை – அதி உச்ச அதிகாரப்பகிர்வையே கேட்கிறார்கள்: வழங்க தவறின் அழிவுகளை எதிர் நோக்க நேரிடும்!

124
0

ஆயுதப் போராட்டம் உக்கிரமடைந்து நாடு பெரும் அழிவுகளைச் சந்தித்தது. அந்த அழிவுகளை அபிவிருத்திகள் ஊடாகச் சீர்செய்யலாம். ஆனால், அன்று தேசிய இனப் பிரச்சினைக்கு நிலையான அரசியல் தீர்வு காணப்படாமையால் தான் ஆயுதப் போராட்டம் உக்கிரமடைந்து அழிவுகள் ஏற்படக் காரணமாகும் என்பதை மறந்துவிடக்கூடாது. எனவே, அரசியல் தீர்வு கட்டாயம் வேண்டும் என என எதிர்க்கட்சித் தலைவர் சஜித் பிரேமதாச மேலும் தெரிவித்துள்ளார்.

அவர் மேலும் தெரிவிக்கையில், தமிழ் மக்களும் தமிழ்த் தலைமைகளும் விரும்புகின்ற அரசியல் தீர்வை ஒருபோதும் வழங்க மாட்டோம் என்று நீதி, மனித உரிமைகள், சட்ட மறுசீரமைப்பு அமைச்சர் நிமல் சிறிபால டி சில்வா தெரிவித்திருப்பதும், அரசியல் தீர்வைவிட அபிவிருத்திதான் தமிழ் மக்களுக்கு அவசியம் என்று பிரதமர் மகிந்த ராஜபக்ச கூறியிருந்தமையும் வேடிக்கையானது.

ஜனாதிபதி கோத்தாபய ராஜபக்ச – பிரதமர் மகிந்த ராஜபக்ச தலைமையிலான அரசு, விதண்டாவாதம் பேசி தமிழ் மக்களையும் அதன் அரசியல் தலைமைகளையும் மேலும் சினம்கொள்ள வைக்கக் கூடாது.

தமிழர்கள் பிளவுபடாத நாட்டுக்குள் அதியுச்ச அதிகாரப் பகிர்வையே கேட்கின்றார்கள். ஒற்றையாட்சி வேண்டாம் என்றோ அல்லது சமஷ்டிதான் வேண்டும் என்றோ அவர்கள் ஒற்றைக் காலில் நிற்கவில்லை. சொல்லாடல்களை வைத்து அவர்களைச் சீண்ட வேண்டாம். சம உரிமையுடன் அதிகாரங்களைப் பகிர்ந்து தருமாறே அவர்கள் கேட்கின்றார்கள். அபிவிருத்தியுடன் அரசியல் தீர்வும் அவர்களுக்கு வழங்கப்பட வேண்டும். இனியும் நிதானமாக யோசித்து சரினான விடையங்களை செய்யாது விட்டால் நாடு மேலும் பல சிக்கல்களையும், அளிவுகளையும் எதிர்கொள்ள நேரிடும். என்றார்.