Home செய்திகள் வசமாக மாட்டிய வாள் வெட்டுக் குழு – காத்திருந்து கைது செய்த காவல்துறை!

வசமாக மாட்டிய வாள் வெட்டுக் குழு – காத்திருந்து கைது செய்த காவல்துறை!

216
0

யாழில் இருவேறு இடங்களில் வாள்­வெட்­டுக் குழு­வைச் சேர்ந்த 9 பேரை கைது செய்துள்ளதாக காவல்துறை தெரி­வித்­துள்ளது.

குறித்த 9 பேரும் பிறந்த நாள் கொண்டாத்தில் கலந்துகொண்ட சமயம் மறைவில் காத்திருந்த காவல்துறையினரால் சுற்றிவளைக்கப்பட்டு மடக்கிப் பிடிக்கப்பட்டதாக காவல்துறையினர் தெரி­வித்­த­னர்.

வாள் வெட்டுக் குழுவைச் சேர்ந்த “தனு ரொக்­” என்பவரது பிறந்த நாள் என்ற தக­வல் அறிந்து, யாழ்ப்­பா­ணம் மூத்த காவல்துறை அத்­தி­யட்­ச­கர் தினேஸ் கரு­ணா­ரத்­ன­வின் கீழ் இயங்­கும் சிறப்பு காவல்துறை பிரி­வி­னர் மானிப்­பாய் பகு­தி­யில் சிவில் உடை­யில் கள­மி­றக்­கப்­பட்­ட­னர்.

மானிப்­பா­யில் தனு ரொக்­கின் வீடு அமைந்­துள்ள பகு­திக்கு பின்­பக்­க­மாக உள்ள குளக்­கட்­டுப் பகு­தி­யில் பிறந்த நாள் கொண்­டா­டிய ஐந்து பேர் கைது செய்­யப்­பட்­ட­னர். அத­னை­ய­டுத்து நவாலி வயல் வெளி­யில் பகு­தி­யில் வைத்து மற்­றொரு பகு­தி­யி­னர் தனு ரொக்­கின் பிறந்த நாளை கொண்­டா­டிய போது நான்கு பேர் கைது செய்­யப்­பட்­ட­னர். அவர்­க­ளில் தனு ரொக்­கும் அடங்­கு­வார்.

கைது செய்­யப்­பட்­ட­வர்­க­ளில் இரு­வர் ஏற்கனவே தேடப்பட்டு வந்த நிலையில் தலைமறைவாகி இருந்தவர்கள் எநவும், அவர்கள் மீது நீதி­மன்­றங்­க­ளில் வழக்­கு­கள் நிலு­வை­யில் உள்­ளதாகவும் கூறிய காவல்துறை கைது செய்­யப்­பட்ட 9 பேரும் விசா­ர­ணை­க­ளுக்கு உட்­ப­டுத்­தப்­பட்ட பின் மானிப்­பாய் காவல் நிலை­யத்­தில் ஒப்­ப­டைக்­கப்­ப­டு­வார்­கள் என தெரி­வித்­த­னர்.