Home முக்கிய செய்திகள் பல குற்றங்களோடு தொடர்புடைய கோத்தபாயவை ஜனாதிபதி தேர்தலில் போட்டியிட அனுமதிக்க முடியாது: சந்திரிகா

பல குற்றங்களோடு தொடர்புடைய கோத்தபாயவை ஜனாதிபதி தேர்தலில் போட்டியிட அனுமதிக்க முடியாது: சந்திரிகா

192
0
Chandrika Kumaratunga

போர்க்குற்ற வழக்கு உட்பட பல வழக்குகள் உள் நாட்டிலும், வெளி நாட்டிலும் கோத்தபாயவிற்கு எதிராக இருக்கும் நிலையில் எதிர்­வ­ரும் அரச தலை­வர் தேர்­த­லில் போர்க் குற்­றங்­க­ளில் ஈடு­பட்­ட­வர்­கள் போட்­டி­யி­டு­வ­தற்கு எமது நாட்­டுச் சட்­ட­மும், நாமும் ஒரு­போ­தும் அனு­ம­திக்க மாட்­டோம். என முன்னாள் ஆடியாளரும், தனது ஆட்சியின் போது போர் விதிகளை மீறி பாடசாலைகள் மீதும், ஆலயங்கள் மீதும் விமானக் குண்டு வீச்சுக்களை நடாத்தி மக்களை படுகொலை செய்தவருமான சந்திரிகா குமாரதுங்க தெரிவித்துள்ளார்.

பன்­னாட்டு செய்­திச் சேவை ஒன்­றுக்கு வழங்­கிய சிறப்­புச் செவ்­வி­யின் போதே அவர் இதனை தெரிவித்தார். அவர் மேலும் தெரிவிக்கையில்;

இங்கு இடம்பெற்றுவரும் பிணக்­குகளால் சிறி­லங்கா சுதந்­தி­ரக் கட்­சி­யும், சிறி­லங்கா பொது­மக்­கள் முன்­ன­ணி­யும் இணைந்து தேர்­த­லைச் சந்­திக்­கும் திட்­டம் நிறை­வே­றாது போகும் நிலையே காணப்படுகிறது. அத்தோடு அரச தலை­வர் தேர்­தல் தொடர்­பாக இன்­ன­மும் உத்­தி­யோ­க­பூர்­வ­மான அறி­விப்பு வெளி­யா­க­வில்லை. அதற்­கி­டையே மகிந்த அணி­யி­ன­ரும், சிறி­லங்கா சுதந்­தி­ரக் கட்­சியை நாச­மாக்­கி­ய­வர்­க­ளும் அரச தலை­வர் தேர்­தல் தொடர்­பா­கக் கொக்­க­ரிக்­கத் தொடங்கி விட்­ட­னர்.

முன்­னாள் பாது­காப்­புச் செய­லர் கோத்­த­பாய ராஜ­பக்­ச­வின் மீது உள்­நாட்­டி­லும், வெளி­நாட்­டி­லும் போர்க் குற்­றங்­கள் தொடர்­பா­க­வும், போர் விதி­மீ­றல்­கள் தொடர்­பா­க­வும், மனித உரிமை மீறல்­கள் தொடர்­பா­க­வும் பல குற்­றச்­சாட்­டுக்­கள் முன்­வைக்­கப்­பட்­டுள்­ளன. சிறை­யில் இருக்க வேண்­டிய கோத்­த­பாய ராஜ­பக்ச இரட்­டைக் குடி­யு­ரிமை என்ற கவ­சத்தை அணிந்­து­கொண்டு அமெ­ரிக்­கா­வுக்­கும், இலங்­கைக்­கும் மாறி மாறிச் சுற்­றுலா செல்­கின்­றார். அண்­மை­யில் அவ­ருக்கு எதி­ராக அமெ­ரிக்­கா­வில் இரு பார­தூ­ர­மான வழக்­கு­கள் தாக்­கல் செய்­யப்­பட்­டுள்­ளன.

இலங்­கைக்­குத் திரும்பி வந்­துள்ள அவர் நாட்டு மக்­கள் முன்­னி­லை­யில் நல்ல பிள்­ளைக்கு நடிக்க முயல்­கின்­றார். இரட்­டைக் குடி­யு­ரி­மை­யு­டன், போர்க் குற்­றச்­சாட்­டுக்கு உள்­ளா­கி­யுள்ள அவர், அரச தலை­வர் தேர்­த­லில் போட்­டி­யிட எமது நாட்­டுச் சட்­ட­மும், நாமும் ஒரு­போ­தும் அனு­ம­திக்க மாட்­டோம். இதை அவர் கவ­னத்­தில் கொள்ள வேண்­டும் என்­றும் சந்­தி­ரிகா பண்­டா­ர­நா­யக்க குமா­ர­துங்க தெரி­வித்­துள்­ளார்.