Home செய்திகள் புல்வாமா தாக்குதலில் பலியான ராணுவ வீரர்களின் குடும்பத்திற்கு உதவிய 75 வயது தமிழர்:

புல்வாமா தாக்குதலில் பலியான ராணுவ வீரர்களின் குடும்பத்திற்கு உதவிய 75 வயது தமிழர்:

224
0

புல்வாமா தாக்குதலில் பலியான ராணுவ வீரர்களின் குடும்பத்திற்கு தேனி மாவட்டத்தை சேர்ந்த கூலித் தொழிலாளி, அவரது கடின உழைப்பில் சேமித்த ஆயிரம் ரூபாய் பணத்தை நிதியாக வழங்கியுள்ளார். 

தேனி மாவட்டம், லெட்சுமிபுரம் அருகேயுள்ள சருத்துப்பட்டியை சேர்ந்தவர் பொன்னையன். 75 வயதான பொன்னையன் தினக்கூலியாக வேலை செய்து வருகிறார். பொன்னயனுக்கு கம்மாலட்சி என்ற மனைவி உள்ளார். 75 வயதிலும் தொடர்ந்து உழைத்து தனது குடும்பத்தை பொன்னையன் காப்பற்றி வருகிறார்.

இந்நிலையில் புல்வாமா தாக்குதலை பற்றி வெளியான செய்திகள் பொன்னையனையும், கம்மாலட்சியையும் அதிகமாக பாதித்தது. நாட்டிற்காக உயிர்தாகம் செய்த வீரர்களின் குடும்பங்களுக்கு தங்களால் ஆன உதவியை செய்ய வேண்டும் என்று இருவரும் நினைத்தனர். 
இதைத்தொடர்ந்து பொன்னையனும் அவரது மனைவி கம்மாலட்சியும் தாங்கள் சிறுக சிறுகச் சேர்த்து வைத்த ஆயிரம் ரூபாய் பணத்தை உயிர்தாகம் செய்த வீரர்களின் குடும்பங்களுக்கு வழங்க முடிவெடுத்தனர். 

இதனை அடுத்து, தேனி மாவட்ட ஆட்சியர் அலுவலகம் வந்த முதியவர் பொன்னையன், ஆயிரம் ரூபாய் நிதியை ஆட்சியர் மரியம் பல்லவி பல்தேவிடம் கொடுத்தார். உதவுவதற்கு மனம்தான் வேண்டுமே தவிற பணம் பெரியதல்ல என்பதை அனைவருக்கும் நிரூபித்திருக்கிறார் பொன்னையன். 

புல்வாமா தாக்குதலில் பலியான வீரர்களின் குடும்பங்களுக்கு இந்தியா முழுவதிலும் இருந்து நடிகர்கள், அரசியல் தலைவர்கள் என்று பலரும் மனமுவந்து நிதி உதவி செய்து வருகின்றமை குறிப்பிடத்தக்கது

]]>