புற்றுநோய்க்கான தடுப்பூசியை உருவாக்கி உள்ளதாகவும், அடுத்த ஆண்டு தொடக்கத்தில் சந்தையில் அறிமுமாக உள்ள இந்த தடுப்பூசி கட்டணமின்றி கிடைக்கும் எனவும் ரஷ்யா அறிவித்துள்ளது.
புற்றுநோய்க்கான எம்.ஆர்.என்.ஏ. தடுப்பூசியை உருவாக்கி உள்ளதாக ரஷ்ய நாட்டின் சுகாதாரத் துறையின் கதிரியக்க மருத்துவ ஆராய்ச்சி மைய இயக்குனர் ஆண்ட்ரே கப்ரின் தெரிவித்துள்ளார்.
இந்த தடுப்பூசியின் மருத்துவ பரிசோதனையில் புற்றுநோய் பாதிக்கப்பட்டவர்களுக்கு கட்டி (ட்யூமர்) வளர்வதை தடுப்பதாக மருத்துவ ஆராய்ச்சியாளர்கள் கண்டறிந்துள்ளனர்.
இதை ரஷ்ய நாட்டு செய்தி முகமை TASS உறுதி செய்துள்ளது.