Home முக்கிய செய்திகள் முப்படையினரும் பாதுகாப்பு பணியில் – நாடளாவிய ரீதியில் 900 சோதனைச் சாவடிகள்!

முப்படையினரும் பாதுகாப்பு பணியில் – நாடளாவிய ரீதியில் 900 சோதனைச் சாவடிகள்!

24
0

இலங்கையில் முப்படையினரை நாடு முழுவதும் ஈடுபடுத்துவது தொடர்பான அதிவிசேட வர்த்தமானி அறிவித்தல் ஒன்று ஜனாதிபதி கோட்டாபய ராஜபக்ஷவின் கையொப்பத்துடன் இன்று (23/05) வெளியிடப்பட்டுள்ளது.

பொது மக்கள் மத்தியில் அமைதியை பேணும் வகையில் – அரசியலமைப்பின் 40ஆம் அத்தியாயத்தில், பொதுமக்கள் பாதுகாப்புக் கட்டளைச் சட்டத்தின் 12ஆம் பிரிவினால் ஜனாதிபதிக்கு வழங்கப்பட்டுள்ள அதிகாரங்களின் பிரகாரம் இவ் அதிவிசேட வர்த்தமானி அறிவித்தல் வெளியிடப்பட்டுள்ளது.

இதன் மூலம் தரைப்படை, கடற்படை மற்றும் வான்படை ஆகியவற்றுக்கு பொதுமக்களின் அமைதியைப் பேணுவதற்கான அதிகாரம் வழங்கப்பட்டுள்ளது.

இதற்கமைய அனைத்து மாவட்டங்களிலும் இன்று முதல் அமுலுக்கு வரும் முப்படையினரின் பாதுகாப்பு கெடுபிடிகளின் முதற்கட்டமாக நாடளாவிய ரீதியில் 900 சோதனைச் சாவடிகள் அமைக்கப்பட்டுள்ளன.

கடந்த வருடம் ஏப்ரல் 21ஆம் திகதி இடம்பெற்ற தாக்குதலின் பின்னர் நடைமுறைப்படுத்தப்பட்ட அவசரகால சட்டம் நீக்கப்பட்டதையடுத்து, பொதுமக்கள் பாதுகாப்பு கட்டளைச்சட்டத்தின் கீழ், ஜனாதிபதியால் பாதுகாப்பு நடவடிக்கையில் முப்படையினர் ஈடுபடுத்தப்பட்டுள்ளனர் என்பது குறிப்பிடத்தக்கது.