Home உலக செய்திகள் குடியுரிமை சட்ட நகல்களை கிழித்து ஆர்ப்பாட்டத்தில் ஈடுபட்ட உதயநிதி கைது!

குடியுரிமை சட்ட நகல்களை கிழித்து ஆர்ப்பாட்டத்தில் ஈடுபட்ட உதயநிதி கைது!

43
0

குடியுரிமை சட்டத் திருத்தத்திற்கு எதிர்ப்பு தெரிவித்து சென்னை சைதாப்பேட்டையில் ஆர்ப்பாட்டத்தில் ஈடுபட்ட உதய‌நிதி ஸ்டாலின் உள்ளிட்ட தி.மு.க.வினர் கைது செய்யப்பட்டுள்ளனர்.

குடியுரிமை சட்ட நகல்களை கிழித்து, தி.மு.க. வினர் சாலையில் அமர்ந்து ஆர்ப்பாட்டத்தில் ஈடுபட்‌டதால் காவல்துறையுடன் தள்ளுமுள்ளு ஏற்பட்டது. இதனையடுத்து உதயநிதி ஸ்டாலின் உள்ளிட்ட திமுகவினர் கைது செய்யப்பட்டனர்.

விபரம்: தி.மு.க இளைஞரணி சார்பில் குடியுரிமை சட்டத் திருத்தத்திற்கு எதிர்ப்பு தெரிவித்து சைதாப்பேட்டையில் பேரணி மற்றும் நகல் கிழிப்பு போராட்டம் நடைபெற்றது.

இதில் அக்கட்சியின்‌ இளைஞரணி செயலாளர் உதயநிதி‌ ஸ்டாலின் உள்‌பட ஆயிரக்கணக்கான திமுகவினர் பங்கேற்றனர்.

திமுக மாவட்ட அலுவலகத்தில் தொடங்கிய‌ பேரணி பனகல் பூங்காவில் முடிவடைந்தது.

‌அப்போது குடியுரிமை சட்‌டத்தில் திருத்தம் கொண்டுவந்த மத்திய அரசு மற்றும் அதற்கு ‌ஆதரவாக வாக்களித்த அதிமுக அரசுக்கு எதிராக கண்டன முழக்கங்கள்‌ எழுப்பப்பட்டன‌.

குடியுரிமை சட்டத் திருத்தத்தை திரும்பப்பெற வேண்டும் எனவும் பேரணியி‌ல் வலியுறுத்தப்பட்டது.

குடியுரிமை சட்ட நகல்களை கிழித்து, தி.மு.க. வினர் சாலையில் அமர்ந்து ஆர்ப்பாட்டத்தில் ஈடுபட்‌டதால் காவல்துறையுடன் தள்ளுமுள்ளு ஏற்பட்டது. இதனையடுத்து உதயநிதி ஸ்டாலின் உள்ளிட்ட திமுகவினர் கைது செய்யப்பட்டனர்.