Home செய்திகள் நாடாளுமன்ற உறுப்புரிமையை இரத்து செய்து 60 பேரை வெளியேற்றும் மைத்திரி:

நாடாளுமன்ற உறுப்புரிமையை இரத்து செய்து 60 பேரை வெளியேற்றும் மைத்திரி:

12
0

சுதந்திரக் கட்சியில் இருந்து வெளியேறி பொதுஜன பெரமுன கட்சியின் தலைமைத்துவத்தை மஹிந்த ராஜபக்ச ஏற்றுக் கொண்டுள்ளதால் மஹிந்த ராஜபக்ச, நாமல் ராஜபக்ச உட்பட 60 பேரின் நாடாளுமன்ற உறுப்புரிமையை இரத்து செய்வதற்கு ஜனாதிபதி மைத்திரிபால சிறிசேன தீர்மானம் எடுத்துள்ளதாக ஜனாதிபதி செயலக வட்டாரங்கள் தெரிவித்துள்ளன.

கட்சி உறுப்புரிமையை இரத்து செய்வதற்கான பெயர் பட்டியல் மற்றும் அவர்களுக்கு பதிலாக தேசிய பட்டியல் ஊடாக நியமிக்கப்படும் உறுப்பினர்கள் தொடர்பான விபரங்கள் தயார் நிலையில் உள்ளதாகவும், இரண்டு பெயர் பட்டியல்களும் நாடாளுமன்ற உறுப்பினர் மஹிந்த அமரவீரவினால் தேர்தல்கள் ஆணையாளரிடம் ஒப்படைக்கவுள்ளதாகவும் கூறப்படுகிறது.

தற்போது நாடாளுமன்றத்தில் உள்ள 95 சுதந்திர கட்சி உறுப்பினர்களில் 60 பேர் பொதுஜன பெரமுனவிற்கு சென்றுள்ளனர்.

வேறு கட்சியில் உறுப்புரிமை பெற்றால் தற்போது இருக்கும் கட்சியின் உறுப்புரிமையில் இருந்து நீக்குவதற்கு அந்த கட்சிக்கு அனுமதியுள்ளதுடன், அவர்களின் நாடாளுமன்ற உறுப்புரிமையையும் இரத்து செய்வதற்கு சந்தர்ப்பம் உள்ளமை குறிப்பிடத்தக்கது.