Home செய்திகள் சிதம்பரபுரம் மயாணம் தமதாம் – அத்துமீறி குடியேறிய சிங்களவர்களின் அடாவடி!

சிதம்பரபுரம் மயாணம் தமதாம் – அத்துமீறி குடியேறிய சிங்களவர்களின் அடாவடி!

23
0

வவுனியா- சிதம்பரபுரத்தில் கடந்த 27 ஆண்டுகளாக நான்கு கிராம மக்கள் பயன்படுதி வரும் மயாணத்தினை சிங்கள மக்கள் தமக்குரியது என உரிமை கோருவதால் புதிய சர்ச்சை எழுந்துள்ளது.

குறித்த பொது மயாணத்திற்கு அண்மையாக, சிங்கள மக்கள் காணிகளை அடாத்தாக பிடித்து குடியேறி வருகின்றனர்.

நேற்றுமுன்தினம் பொது மயாணத்தினை அப்பகுதி தமிழ் மக்கள் துப்பரவு செய்து கொண்டிருந்தபோது அங்கு வந்த சிங்கள மக்கள் குறித்த காணி தமக்குரியது எனவும் துப்பரவு செய்ய வேண்டாம் எனவும் தெரிவித்திருந்ததாக கிராம மக்கள் தெரிவித்தனர்.

இந்நிலையில் நேற்று குறித்த பகுதிக்கு வருகை தந்த சிங்களவரான பிரதேசசபை தலைவர் மற்றும் உறுப்பினர்கள் குறித்த காணியில் எவ்வித வேலைகளையும் செய்ய வேண்டாம் எனவும் இவ்விடயம் தொடர்பாக பிரதேசசபையில் கலந்துரையாட வேண்டியுள்ளதால் இன்று தமிழ் கிராமத்தவர்கள் சார்பில் தமது பிரதேசசபைக்கு வருமாறு தெரிவித்து சென்றிருந்ததாகவும் கூறினர்.

குறித்த மயானம் தொடர்பான விடயம் பெரும் முறுகல் நிலையை தோற்றுவித்துள்ளது.

வவுனியாவின் எல்லையோர கிராமமான சிதம்பரபுரத்தில் அமைந்துள்ள பொது மயானம் கற்குளம் படிவம் 1, 2 சிதம்பரபுரம், சிதம்பரநகர் கிராம மக்கள் 1992 ஆம் ஆண்டு காலப்பகுதியில் இருந்து பயன்படுத்தி வந்ததோடு, மயானத்தில் தமது கிராமத்தில் இறந்தவர்களை புதைத்தமைக்கான நினைவுக்கற்களையும் நாட்டப்பட்டுள்ளமை குறிப்பிடத்தக்கது.